10 შთამაგონებელი ციტატა დუეინ ჯონსონისგან, რომელიც ამტკიცებს, რომ ყველაფერი შესაძლებელია
ByRose Leadem•
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
პროფესიონალი სპორტსმენის, ჰოლივუდის მსახიობ-პროდიუსერისა და გინესის ხუთგზის რეკორდსმენისგან საკმაოდ ბევრი რამის სწავლა შეგვიძლია.
მიუხედავად იმისა, რომ მისი წარმატება ჭიდაობის არენაზე დაიწყო, დღეს დუეინ ჯონსონი ჰოლივუდში ერთ-ერთი ყველაზე წარმატებული სახელია. იგი WWE-ის მძიმე წონის ექვსგზის ჩემპიონობიდან მსოფლიოს ერთ-ერთ ყველაზე მაღალანაზღაურებად მსახიობად იქცა. თამამად შეიძლება ითქვას, რომ ამის განხორციელებას შრომა, მოტივაცია და ვნება დასჭირდა − ეს თვისებები კი დუეინს მთელი ცხოვრების განმავლობაში ახასიათებდა.
ჭიდაობამდე დუეინი ფეხბურთს თამაშობდა და სანამ სერიოზულ ტრავმებს მიიღებდა, NFL-ში კარიერის გაგრძელებას აპირებდა. რეაბილიტაციის შემდეგ მან ჭიდაობას მიჰყო ხელი. მამისა და ბაბუის კვალდაკვალ (ორივე წარმატებული მოჭიდავე იყო) ჯონსონი სწრაფად გახდა ყველა დროის ერთ-ერთი საუკეთესო მოჭიდავე. მიუხედავად ამისა, 2001 წელს მან საკუთარი წარმატება რინგიდან კამერებამდე მიიტანა, სადაც ფილმში The Mummy Returns მთავარი როლი ითამაშა.
Fast and Furious-იდან დაწყებული Ballers-მდე ჯონსონმა ჰოლივუდის არაერთი ჰიტი შექმნა. მრავალი სპორტული და სამსახიობო წარმატების გარდა, მან გინესის ხუთი მსოფლიო რეკორდიც კი დაამყარა − ერთ-ერთი მათგანი სამ წუთში გადაღებული ყველაზე მეტი სელფია.
იქნება ეს სელფის გადაღება თუ ჩვენი დროის ერთ-ერთ ყველაზე წარმატებულ მსახიობად ჩამოყალიბება, აქ არის 10 ციტატა დუეინ ჯონსონისგან, რომელიც მოტივაციას შეგძენთ.
- "ყოველთვის მეკითხებიან,"რა არის წარმატების საიდუმლო?", მაგრამ არ არსებობს საიდუმლოებები. იყავი თავმდაბალი, სიახლეების მოყვარული და ყველაზე შრომისმოყვარე";
- "წარმატება ყოველთვის არ არის სიდიადე, ეს არის მუდმივობა. მუდმივი შრომისმოყვარეობა იწვევს წარმატებას, სიდიადე კი თავისით მოვა";
- "1995 წელს ჯიბეში 7 დოლარი მედო და ორი რამ ვიცოდი−ახლა საშინლად ღარიბი ვარ და ერთ დღეს ასე აღარ ვიქნები";
- "მე მიყვარს დღევანდელი მოტივაციისთვის წარსულის მძიმე პერიოდების გამოყენება";
- "შრომისმოყვარეობა ფუნდამენტურია: იყავი თვალსაჩინო, იმუშავე სხვებზე მეტი და დაეყრდენი საკუთარ თავს საქმის შესრულებისას";
- "ყველაზეძლიერირამ,რაცშეიძლებავიყო,ესაასაკუთარი თავი";
- "წარმატება ნებისმიერ საკითხში ყოველთვის მოდის ფოკუსირებასა და ძალისხმევასთან ერთად. ჩვენ ორივეს ვაკონტროლებთ";
- "ნუ შეგეშინდებათ იყოთ ამბიციური თქვენი მიზნების მიმართ. შრომისმოყვარეობა არ ჩერდება, არც თქვენი ოცნებები უნდა შეჩერდეს";
- "თქვენ არ გჭირდებათ მიმართულებები, განუსაზღვრეთ საკუთარ თავს უმაღლესი წერტილი და იარეთ მისკენ";
- "წარმატება არ მოდის ერთ ღამეში. ის მოდის მაშინ, როდესაც ყოველდღე ოდნავ უკეთესი ხდები, ვიდრე წინა დღეს იყავი. ეს ყველაფერი კი ერთად გროვდება".
